Gyzgyn - "institut" teg entryler

Halkara gatnaşyklary institutynda täze kafedra açylýar

Anewli — Sat, 09 May 2026 05:18:12 +0000

Dünýäniň habarlaryna göz aýlap otyrkam, Halkara gatnaşyklary institutynda Parahatçylyk we Bitaraplyk kafedrasynyň açyljakdygyny okadym, bu hakykatdanam gowy täzelik. Biziň ýurdumyzyň bitaraplyk syýasatyny öwrenmek we dünýä ýaýmak üçin ýaşlara şeýle mümkinçilikleriň döredilmegi örän guwandyrýar. Men şol kafedrada okajak talyplaryň geljekde diplomatik gatnaşyklarymyzy has-da ösdürjekdiklerine ynanýaryn. Siz bu barada näme pikir edýärsiňiz, şeýle ugurlaryň talyplar üçin ähmiýeti näçe derejede diýip hasaplaýarsyňyz?

Daşoguzdaky Ýokary Okuw Jaýlary türkmen bolmadyklary kabul edenok

semiz-we-aynekli — Wed, 01 Aug 2018 08:19:09 +0000

Şu günler Türkmenistanyň ýokary we orta hünärmenlik okuw jaýlarynyň aglabasyna giriş synaglary başlandy. Bu çäräniň başlanmagy bilen, Daşogzuň ýokary okuw jaýlaryna okuwa girmek üçin dokumentlerini tabşyrmaga baran käbir abituriýentler dürli kynçylyklar bilen ýüzbe-ýüz bolýarlar.
Howpsuzlyk ýagdaýlary sebäpli adynyň efirde atlandyrylmasyzlygyny soran daşoguzly çeşmämiz welaýatyň Mugallymçylyk orta hünärmenlik mekdebine we Oba-hojalyk institutyna giriş synaglarynyň geçen hepde başlanandygyny we oňa milleti türkmen bolmadyk ýaşlaryň kabul edilmeýändigini habar berýär.
“Häzir giriş synaglaryna baran milleti türkmen bolmadyk ýaşlary yzlaryna gaýtarýarlar. Okuw jaýlarynyň resmileri okuwa girmek isleýän başga milletiň çagalaryna ‘Pasportyňyza türkmen diýip ýazdyryp geliň. Ýaşaýan etrabyňyzyň pasport bölümine baryp, okuwa girjegiňizi aýtsaňyz, bir aýa ýetmän düzedip berýärler’ diýip, maslahat beripdirler” diýip, çeşmämiz bu barada özüne tatar, gazak we özbek milletinden bolan ýaşlaryň gürrüň berendigini aýtdy.
Mundanam başga, ol geçen hepde giriş synaglaryna gatnaşan daşoguzly ýaşlaryň ençemesine salgylanyp, welaýatyň Mugallymçylyk we Lukmançylyk orta hünärmenlik mekdeplerinde okuwa girmek isleýän abituriýentlerden soralýan paranyň möçberiniň şu ýyl 120000-160000 manada (öňki pul hasabynda 600-800 million manat) ýetendigini öňe sürýär.
Daşoguzdaky Oba-hojalyk institutyna okuwa girmek isleýän ýaşlardan soralýan paranyň möçberi bolsa, şu ýyl 500000-600000 manada (öňki pul hasabynda 2,5-3 milliard manat) ýetdi.

Türkmenistanda Döwlet, hukuk we demokratiýa instituty döredildi

nazaroff — Tue, 24 Jul 2018 03:32:34 +0000

Türkmenistanyň prezidenti Gurbanguly Berdimuhamedow 23- nji iýulda dynç alyşdan gelip, wideoşekilli iş maslahatyny geçirdi we onuň dowamynda ýurtda Türkmenistanyň Döwlet, hukuk we demokratiýa institutyny döretdi.
Bu täze institut Türkmenistanyň prezidentiniň ýanyndaky Demokratiýa we adam hukuklary baradaky Türkmen milli institutyny hem-de Türkmenistanyň prezidentiniň ýanyndaky Döwlet we hukuk institutyny birleşdirmegiň esasynda döredildi.
Alynan maglumatyna görä, institut toplumlaýyn ylmy-barlag işlerini geçirmek, öňdebaryjy hukuk ulanyş tejribesini öwrenmek, döwleti öwreniş, jemgyýeti demokratiýalaşdyrmak we kanunçylygy kämilleşdirmek bilen meşgullanar.
Mundanam başga, täze döredilen edaranyň wezipeleriniň hataryna adam hukuklary babatdaky milli programmalary we planlary durmuşa geçirmek girýär.
Institutyň direktorlygyna Ýagmyr Nuryýew bellenildi, täze edara Türkmenistanyň daşary işler ministrligi gözegçilik eder.

ÇEŞME: Türkmenistanyň Hronikasy

Türkmenistanda žurnalistika instituty döredilýär

nazaroff — Sat, 27 Jan 2018 13:52:16 +0000

Ýurtda bolup geçýän oňyn özgerişleri beýan etmek üçin Türkmenistanda žurnalistika instituty dörediler, bu sözleri prezident Gurbanguly Berdimuhamedow 26-njy ýanwarda geçiren hökümet maslahatynda aýtdy.
“Türkmenistanda köpsanly dürli köpçülikleýin habar beriş serişdeleri hereket edýär. Olar eýeçiliginiň görnüşi, alyp barýan iş ugry, maglumatlary bermegiň usuly boýunça bir-birinden tapawutlanýar. Elbetde, olaryň ählisi üçin hem ýokary derejeli hünärmenler zerur bolup durýar. Emma, gynansak-da, häzire çenli ýurdumyzda bu giň gerimli wezipeleri ýokary derejede merkezleşdirip çözýän, degişli binýady bolan ýokary okuw mekdebi ýok. Şoňa görä-de, belki, žurnalistika we köpçülikleýin kommunikasiýalar institutyny döretsek, maksadalaýyk bolar” – diýip, TDH döwlet habar gullugy prezidentiň sözlerini sitirleýär.
Bu mesele bilen medeniýet we köpçülikleýin habar beriş serişdeleri boýunça täze bellenen wise-premýer Bahargül Abdyýewa meşgullanar. Ol ozal Ministrler kabinetiniň medeniýet bölüminiň müdiri bolup işledi.
Belleýäris, Türkmenistanda gazet-žurnallaryň aglabasy, şeýle-de tele-radio kanallary döwlete degişli. Şol bir wagtda Gurbanguly Berdimuhamedow telegepleşikleriň hilinden köplenç nägile bolýar, “mediada ýurtda gazanylýan üstünlikleriň we sepgitleriň ýeterlik beýan edilmezligine” gaharlanýar. Prezident 9-njy dekabrda geçiren hökümet maslahatynda bu ugurda degişli gepleşikleri taýýarlamagy tabşyrdy.
2018-nji ýylyň ýanwarynda Türkmenistanda “Tele-radio gepleşikleri hakynda kanun” kabul edildi we ol kanun ýurtda gazanylan üstünlikleriň beýan edilişine ýardam bermeli.

ÇEŞME: Türkmenistanyň Hronikasy